Progeen Construction: 4 Rregullat e te pasurit nje hapesire me te madhe

Gjatë dekadës së fundit, banesat po bëhen gjithnjë më të vogla duke sjellë që madhësia mesatare e një apartamenti të sapondërtuar të zvogëlohet ndjeshëm në krahasim me vitet më para. Duke marrë në konsideratë këtë fakt, shumica e njerëzve që po blejnë apartamente të rinj janë duke u fokusuar gjithnjë e më shumë në mënyra të ndryshme se si mund ta bëjnë një apartament me pak metra katror, të ndihet dhe të duket pak më i madh seç është në të vërtete.

 

Në këtë artikull do të diskutojmë disa nga mënyrat dhe ngjyrat qe mund të përdorni për lyerjen e apartamenteve që do t'ju ndihmojnë të ndriçoni pak më shumë hapësirën dhe duke e bërë apartamentin tuaj të duket më i madh.

 

Si ta bëjmë hapësirën të duket më e madhe?

Zgjedhja e ngjyrave të duhura është një pikënisje e mirë për të krijuar ndjesinë e një hapësire pak më të madhe.

 

Por, për apartamentet e vegjël, nuk është thelbësore vetëm të shikoni nuancat e duhura për të ndriçuar apartamentin, por edhe të shikoni mënyra të tjera që mund ta bëjnë dhomën të duket më e madhe. Më poshtë do mund të gjeni disa ide të thjeshta.

 

Ndriçimi

Kur lejoni dritën natyrale në dhomë, ajo e hap më shumë ambientin e dhomës dhe e bën atë të duket më e madhe. Kjo sepse, duke hapur dritaret, do të krijohet ndjesia e vazhdimësisë së dhomës dhe në ambientin e jashtëm, duke eliminuar kështu ndjenjën e të qenit i mbyllur apo kufizuar.

 

Nëse nuk keni akses të mirë në dritën natyrale, merrni në konsideratë përdorimin e me dritë natyrale (3300-5300 Kelvin).

Organizimi i rregullt

Ndërsa “rrëmuja” nuk është e mirë për asnjë hapësirë, për hapësirat e vogla ajo mund të jetë mbytëse. Mundohuni ta keni gjithmonë dhomën të organizuar me gjëra sa më shumë praktike dhe funksionale. Një dhomë që është e rregullt ndihet më e hapur dhe e madhe.

 

Gjithashtu, mundohuni të mos vendosni foto apo piktura të shumta në mure. Për dhoma të vogla, një pikturë e vetme e madhe është më e mirë. Pikturat ose fotot e shumta e bëjnë dhomën të ndihet e mbushur dhe më e vogël.

Përdorni pasqyra

Pasqyrat kanë një efekt në perceptim pasi japin iluzionin e thellësisë. Për më tepër, ato reflektojnë dritën, duke e bërë dhomën të duket më e ndritshme dhe më e madhe. Vendosni pasqyra të formave të ndryshme në mjedise të ndryshme të apartamentit tuaj.

 

Konsideroni të keni dyer me pasqyrë brenda shtëpisë.

 

Sistemimi i duhur i mobilieve

Mobiliet zënë pjesën më të madhe të hapësirës së dhomës. Kjo është arsyeja pse ju duhet të konsideroni përdorimin e mobilieve shumë funksionale. Për shembull, merrni parasysh të keni një divan që mund të përdoret si krevat, ose keni një krevat që përmban sirtarë.

 

Gjithashtu, merrni parasysh mobiliet e palosshme të cilat mund të fshihen kur nuk janë në përdorim.

 

Shikoni modele të ndryshme mobiliesh që do t'ju lejojnë të maksimizoni hapësirën. Për shembull, vendosni sa më shumë mobilie në mur për të maksimizuar hapësirën e hapur.

 

Të gjitha këto do t'ju ndihmojnë të krijoni iluzionin e hapësirës. Megjithatë, zgjedhja e ngjyrave të mureve është ajo çfarë ka më shumë rëndësi dhe funksion në krijimin e hapësirave të mëdha.

 

Disa nga ngjyrat e mureve më të përdorshme të apartamenteve:

Livandë

Përshtatshmëria e livandës e bën atë ngjyrën ideale për ti dhënë jetë dhomave. Ngjyra lavendër ka një gamë të gjerë nuancash që përshtaten me shumë shije, nga nuancat pothuajse të panjohura deri te nuancat vjollce të errëta.

 

Merrni parasysh kombinimin e livandës me të zezën, të bardhën dhe grinë. Kur e mobiloni atë me blunë e theksuar dhe vjollcën, do të keni krijuar një zgjidhje elegante.

E verdha

Do të na duhet të kërkojmë shumë për të gjetur një ngjyrë tjetër që mund të imitojë dritën natyrale në një dhomë siç bën ngjyra e verdhë. Për rezultate më të mira, zgjidhni nuancat e lehta të kësaj ngjyre duke qenë se  ajo reflekton shumë mirë dritën artificiale pa e mbyllur hapësirën siç do bënte një ngjyrë tjetër më e errët.

 

Merrni parasysh të plotësoni pamjen klasike që e verdha ofron me tone të ngrohta druri dhe punime druri të bardhë.

Blu e lehtë (Powder Blue)

Kjo nuancë blu mund t'i japë jetë qosheve më të errëta të një shtëpie. Gjen aplikimin më të mirë në ambientet e brendshme tradicionale kur e kombinoni me detaje të bardha të qarta, tapiceri në ngjyrë të kuqe të thellë dhe orendi prej druri të errët.

 

Një dhomë ndenjeje blu ka një efekt qetësues në shtëpinë tuaj. Ka shumë nuanca tërheqëse të blusë, dhe të gjitha shkojnë mirë me ngjyrat neutrale si kafeja dhe kremi. Nëse dhoma juaj e ndenjes ka dysheme druri, bluja është një zgjedhje veçanërisht elegante. Dhomat e ndenjes blu duken të pastra dhe të rregullta pa sakrifikuar ngjyrën.

Gri

Grija elegante është bërë një nga ngjyrat më të njohura dhe të përdorshme për lyerjen e  apartamenteve. Shumica e stilistëve e konsiderojnë atë si neutralin e ri. Kjo është për shkak se nuancat funksionojnë jashtëzakonisht shumë si për zonat e prekura nga dielli ashtu edhe për hapësirat ku mungon drita natyrale.

 

Muret gri e bëjnë dhomën tuaj të ndenjes të ndihet më e gjerë. Elegante dhe e qetë, një dhomë gri i përshtatet dekorit modernist, si dhe ansambleve vintage. Kjo ngjyrë është e përshtatshme për çdo dhomë në shtëpi, por duket veçanërisht e sofistikuar në dhomën e ndenjes

 

Për hapësirat me ndriçim të dobët, merrni parasysh marrjen e një nuance të lehtë për muret duke përfshirë nuanca të ndezura me ndihmën e pëlhurave, punimeve të drurit dhe aksesorëve, apo edhe duke e thyer me një ngjyrë tjetër nëpër një ose më shumë brinjë të dhomës. 

E Gjelbër

E gjelbra është ngjyra e harmonisë dhe rinovimit. Për shkak se i bën jehonë nuancave të botës natyrore, është një nga ngjyrat më të mira për dhomat e ndenjes. E gjelbra mund të jetë e freskët dhe delikate në të njëjtën kohë; është alternativa e përsosur për ata që mendojnë se ngjyrat neutrale janë të mërzitshme.

Rozë

Ngjyra rozë është një nga ngjyrat që sjell më shumë gëzim dhe lumturi në ambiente të ndryshme. Gjithashtu është një opsion natyral për dhoma me ndriçim të dobët. Megjithatë, duhet të zgjidhni  nuanca tuaj të preferuar të rozës që ajo të përcaktojë aplikimin e saj më të mirë.

Portokalli e ngrohtë

Ka nuanca të ndryshme portokalli, duke filluar nga kajsia dhe mandarina deri tek kungulli. Shumica e nuancave të portokallisë janë në gjendje të transformojnë një zonë të privuar nga drita në një hapësirë që sjell ngrohtësi.

 

Për më tepër, portokallia ka këtë aftësi të çuditshme për të reflektuar rrezet që merr nga çfarëdo burimi drite, qoftë drita e qiririt, një llambë apo rrezet e diellit.

 

Kliko mbi logo per kontaktet e kompanisë

 

Më të lexuarat